Добивај вести на Viber
Од 1 јули пензиите во Црна Гора ќе се зголемат за 3%, а најниските пензии ќе пораснат за 20%.
Предложените измени и дополнувања на Законот за пензиско осигурување Владата ги усвои вчера и ќе бидат доставени до Собранието. Од 1 јули најниската пензија која сега е 101 евро, треба да изнесува до 122 евра. Министерката за труд и социјална политика, Зорица Ковачевиќ рече дека во моментов во Црна Гора има 4.410 корисници на минималните пензии.
За спроведување на овие нови законски одредби на државата ќе и требаат околу шест и пол милиони евра.
„Еден милион и пол евра се однесува на зголемување на најниската категорија на пензиите, а остатокот за зголемување на пензиите од три проценти“ - изјави министерката.
Законот е, како што е наведено, дополнет и со одредба која предвидува дека привремениот надомест на корисниците на ова право престанува на денот кога ќе добијат доживотен месечен надомест, врз основа на раѓањето на три или повеќе деца, во согласност со Законот за социјалната заштита и заштита на децата.