Ципрас ќе се сретне со демонстрантите фармери во обид за постигнување на договор
Објавено во: Балкан 14 Февруари, 2016
Се уште нема договор меѓу грчката влада и демонстрантите фармери, но премиерот Алексис Ципрас закажа средба со претставници на земјоделците денес. Грчката влада им предложи на фармерите почеток на преговорите, за да се стави крај на блокадата на патиштата и границите.
Во неделата на локалните собранија на земјоделците ќе се одлучи дали тие ќе учествуваат на разговорите за промена на условите на контроверзниот закон со нови услови за осигурувањата и право на пензија. Веројатно нема да дојде до единствено решение, пренесоа агенциите.
Можно е тракторите на некои места да се повлечат, иако голем дел од демонстрантите се категорични дека целосен прекин на блокадите по автопатите и граничните премини ќе има само по повлекувањето на нацрт-законот.
Дел од земјоделците остануваат со шаторите пред Собранието, други се враќаат на местата на протести во земјата. Некои централни патишта исто останаа затворени вчера.
Илјадници земјоделци се собраа вчера во грчкиот главен град и си направија шатори пред парламентот. Барањето е укинување на планираното укинување на осигурувањата и планираната пензиска реформа.
Против предлог кој владата се обидува да го протурка под притисок на меѓународните кредитори, се сите синдикати во Грција.
„Грчкиот народ е нескротлив и горделив, но не и неблагодарен“, сметаат економисти.
Според нив обичните жители на нашиот јужен сосед едноставно бараат одговор на прашањето: „Кој е виновен за кризата?“ И сакаат ревизии.
„Проблемот е многу тежок. Грција доживува финансиски колапс. Станува збор за грабеж на националната економија“, категоричен е професор Калмарис.