СТРАВИЧНА СЦЕНА НА ТРЕНИНГ - Прва информација од што починал младиот кошаркар Оџо
Објавено во: Балкан 07 Август, 2020
На 27 години денеска на тренинг почина Мајкл Оџо, поранешен кошаркар на Звезда, кој бил донесен во Ургентниот центар без никакви знаци на живот, јавува Блиц.рс.
Брзата помош се обидела да го реанимира нигерискиот кошаркар на лице место, а потоа го однеле во Ургентниот центар, со цел таму да се обидат повторно, но немало спас за несреќниот човек.
Оџо имал за денеска закажано тренинг за кошарка и за физичка подготвеност, а кобната состојба се случила на првиот тренинг.
Првата причина што се наведува во претпоставките е дека срцевиот удар бил предизвикан од големиот напор за време на тренингот, што срцето на кошаркарот не можело да го издржи.
Овој кошаркар е во Србија од 2017 година, кога пристигна во ФМП, а една година подоцна се пресели во Црвена Звезда.
Нигериецот беше фаворит на навивачите на Звезда, а со црвено-белите ги освои АБА Супер купот, трофејот АБА лига и Суперлигата на КЛС.