Спротивно на очекувањата, британската економија расте
Објавено во: Економија 24 Август, 2016
Голем број на индикатори во Велика Британија на производствениот сектор, градежната индустрија и потрошувачката забележаа раст, пишува Guardian.
Британската економија се чини дека се опоравува од паниката по Брегзит по подобар начин од очекуваниот.
Истражувањето спроведено од лоби бизнис група CBI откри дека падот на британската фунта, испровоцирана од гласовите за напуштање на ЕУ, дал силен поттик на извозот на производни стоки, кој ја компензирал несигурноста на внатрешниот пазар.
Економистите ги преиспитаа песимистичките предвидувања за остатокот од годината и 2017 година, по преглед на бројките кои покажуваат скромен пад и одржлив раст во економската активност од 23 јуни наваму.
Поддржувачите на Брегзит ги прифаќаат овие бројки како знак дека предупредувањата за економски колапс, по гласањето за напуштање, биле во паника и измамени.
Сепак Крис Вилмсон, главен економист на давателот на финансиски податоци IHS Markit, изјави дека опоравувањето е резултат од „огромен одговор преку политики“од страна на Банката на Англија и Министерството за економија. „Не може да се каже дека сите кои креваа тревога за Брегзит, ширеа страв, бидејќи всушност токму предупредувањата го предизвикаа овој силен одговор со политики“, рече тој.