Спасете го Амазон: Илјадници протести во Бразил и низ целиот свет
Објавено во: Свет 24 Август, 2019
По острите меѓународни реакции, бразилскиот
претседател дозволи армијата да се вклучи во гаснењето на големиот број пожари
во Амазон.
Сателитските податоци покажуваат дека оваа сезона
тропските шумски пожари се зголемени за 85 проценти во однос на минатата
година.
Илјадници протестираа во неколку градови во Бразил
и на различни места низ целиот свет.
Со постери за помош и „Спаси го Амазон“ стотици
луѓе излегоа на улиците на Сао Паоло и Бразил. Во знак на протест кон
политиката на претседателот, која толерира расчистување на шумите за
земјоделски цели.
Франција и Ирска соопштија дека нема да го
ратификуваат трговскиот договор претходно склучен со земјите од Јужна Америка,
освен ако Бразил сериозно не се зафати со гаснење на огнот.
Финска ја повика Европската унија да го забрани
увозот на говедско месо од Бразил.
„Има шумски пожари низ целиот свет и ова не може
да биде основа за меѓународни санкции. Во моментов сме во традиционално топла и
сува зимска сезона. И во потоплите години - како и сегашната, повеќе пожари
горат“, рече бразилскиот претседател.
Болсонаро издаде претседателски указ со кој се
овластува армијата да се вклучи во гаснењето на пожарите.