Со полиција, војска и барикади ќе ја дочекаат 2017 година
Објавено во: Свет 30 Декември, 2016
Европските метрополи со полиција, војска и барикади ќе ја дочекаат новата 2017 година.
Тие го зголемија нивото на безбедност за прославата на Нова година затоа што сите се плашат од нови терористички напади од исламистите.
Се поставуваат бетонски барикади и зголемен е бројот на припадниците на безбедносните сили на улиците.Во Париз веќе патролираат вооружени војници, а во цела Франција на готово ќе бидат 90.000 полицајци плус 1.000 војници.
Во Милано околу главниот плоштад „Пјаца Дуомо“ има голем број на полицајци кои што ги проверуваат минувачите, а на камионите им е забранет пристапот во централните градски подрачја на Рим и Неапол.
Во Келн се користи нов унапреден видео надзор, а во Франкфурт за безбедноста се грижат 600 полицајци, односно двојно повеќе во однос на лани.
Берлинската полиција го затвори Pariser Platz пред Брандебуршката порта и се подготвува да распореди 1700 полицајци, на местата каде што ќе се соберат маса луѓе.
Во Брисел каде што неодамна се случи голем терористички напад и беа убиени 16 лица и 150 беа повредени, сепак ќе има новогодишна прослава и огномет.
Во Виена на жените се поделени илјадници џебни аларми.