Сирија го „потона“ доларот
Објавено во: Економија 11 Април, 2018
Се стопи вредноста на доларот.
Можноста за воен судир околу Сирија доведе до пад на американскиот долар. Индексот во кој доларот се споредува со шесте други валути покажа пад на доларот од 0,1 процент, а падот во споредба со јапонскиот јен е 0,3 проценти.
Пазарите веќе беа погодени од заканите за трговска војна меѓу САД и Кина, откако претседателот Доналд Трамп нареди воведување тарифи за увоз на челик и алуминиум. Нервозата на пазарите се смири во изминатите денови, но повторно ескалираше по хемискиот напад во Сирија и заканата на Трамп дека воено ќе одговори против сирискиот претседател, Башар ал Асад.
Еврото порасна за 0,2 проценти. Растот е резултат на најавата на Европската централна банка дека до крајот на оваа година ќе ја запре својата седум години долга програма за квантитативно олеснување, односно купување акции од компании на европските берзи.
Големи промени од ден на ден се случуваат кај валутите.