Швајцарски Baumer ќе инвестира, Владата ќе го поддржи
Објавено во: Економија 04 Април, 2018
Baumer Holding AG од швајцарија ќе биде најновата странска компанија која ќе има свое присуство во Македонија, а нивните активности ќе бидат помогнати и делумно субвенционирани од страна на Владата преку најновата одлука која беше соопштена на вчерашната владина седница.
„Владата на денешната седница ја одобри одлуката за определување на периодот на закуп на градежното земјиште во Технолошко индустриската развојна зона Скопје 1 и за висината на закупнината, со нацрт – договор за долготраен закуп на градежно земјиште со Друштво за производство, трговија и услуги БАУМЕР ДООЕЛ Скопје, чија матична компанија е Baumer Holding AG од Швајцарија.
Ова е 10-та поддршка за странска инвестиција според новата програма за поддршка на економскиот план на Владата на РМ“ соопштија од Владата.
Baumer Holding AG е компанија која произведува напредна технологија на сензори, метални профили, делови за камери, скенери, додатоци и уште многу други специфични продукти. Компанијата за електроника е формирана далечната 1952 година од страна на Херберт Баумер.