ШТРАЈК СО ГЛАД ВО ТУРЦИЈА: Курдите бараат одговор што се случува со Оџалан
Објавено во: Балкан 05 Септември, 2016
Членови на повеќе прокурдски партии во Турција од денеска почнуваат штрајк со глад.
На ваков начин бараат да добијат информации за лидерот на курдските бунтовници, Абдула Оџалан, кој е осуден на доживотен затвор и без право на посета. Штрајкот ќе трае додека тие не добијат информации за лидерот на Курдската работничка партија (ПКК), Абдула Оџалан, за кого немаат никаква информација уште од 4 април.
„Група од 50 доброволци, меѓу кои и пратеници од најголемата турска прокурдска партија, Демократска партија на народите, ќе започнат штрајк со глад од 5 септември“– најавија доброволците минатата седмица на митинг во Дијарбекир.
ПКК, која води вооружена борба против турската држава од 1984 година. Таа се смета за терористичка организација од Анкара, САД и на ЕУ. Оџалан се наоѓа на островскиот затвор „Имрали“, близу Истанбул, но не му се дозволени посети од своите адвокатите, ниту пак од блиските, по прекинот на примирјето меѓу ПКК и владините сили од лани летото. Оџалан беше уапсен и грабнат од припадниците на турските тајни служби во Кенија во февруари 1999 година. Во јуни истата година, тој беше осуден за тероризам и предавство и затворен на островот во Мраморно Море.
Курди деновиве протестираа во Келн, Германија за поддршка на Оџалан и против турската интервенција во Сирија.