Што му пиша Коце Трајановски на Петре Шилегов?
Објавено во: Економија 03 Јули, 2018
Поранешниот градоначалник на град Скопје Коце Трајановски преку својот Фејсбук профил реагираше во своја одбрана до актуелниот „градки татко“ Петре Шилегов, откако овој упати низа критики до својот претходник за сечењето на дрва во урбаните средини.
(Во продолжение прочитајте го целиот статус)
„Господине Шилегов, читам дека многу често ме напаѓате и барате оправдување преку мене.
Денеска читам "Коце ги исече здравите дрвја а ми ги остави болните дрвја". Тоа не е вистина.
Со ова сакате да ме направите дрвосечач на здрави дрва, а Вие да се претставите како човек кој мора да
исече болните дрва. Изготвените решенија се доставуваа во ЈП „Паркови и зеленило" за реализација: Јас работев, и да ти објаснам стручно за дрвата. Кога ме избраа за градоначалник имаше решенија за сечење на неколку илјади дрвја за кои се чекаше по
неколку години да се реализираат. За ова во првиот период имаше многу поплаки од граѓаните. ЈП
„Паркови и зеленило" имаа едно возило со корпа која служеше за подигнување на работникот кој сече на
6 до 7 метри и имаа вработено тројца луѓе. Затоа набавивме уште две возила со корпи и вработивме уште
6 работници. Со ова дојдовме до ситуација откако ќе се добие решение, истото да се реализира за
максимум 1 месец, а не како порано неколку години. ЈП „Паркови и зеленило" откако ќе ги добие
решенијата прави план на приоритети.
Како градоначалник, јас никогаш не сум им забранил да ги сечат болните и старите дрва, туку реков дека
не смеат и не треба да сечат без претходно неколку дена преку медиумите да ги известат граѓаните на
која локација кои дрва ќе ги сечат, како и за причината поради која ќе ги сечат.
Додека бев градоначалник „зелените“ и „паркобраните“ беа многу гласни и активни, а сега како да го
изгубија гласот.
Јас моите обврски ги извршував професионално и одговорно, за тоа ќе ви кажат и вработените. Од тие
причини, апелирам да ја вршите функцијата на која сте и престанете да барате оправдување кај други“, вели Трајановски во својот статус.