Добивај вести на Viber
Нема визи за САД за албанските функционери со криминално досие, изјави американскиот амбасадор во Тирана, Доналд Лу.
Тој објасни дека овој чекор на Вашингтон е со цел да влијае во процесот на декриминализација на општеството во Албанија. Американскиот дипломат Лу заедно со неговите колеги од земјите на ЕУ, бараат од власта и опозицијата на Албанија да спроведат декриминализација на општеството. Лу смета дека во земјата има и добар процент на функционери со криминално досие.
Американската амбасада во Тирана, неодамна одби да даде американска виза на неколку познати албански судии. Оттаму најавија дека исто ќе постапат и со другите претставници во судството кои имаат криминално досие.