РЕСТРИКЦИЈА И НА ЈАВНИОТ ПРЕВОЗ: Нема да има автобуси од 21 часот до 5 часот наутро
Објавено во: Македонија, Корона Вирус 24 Март, 2020
Од 21 часот до 5 часот наутро, додека трае полицискиот
час нема да возат ниту автобусите. Ваква одлука донесе владата на синоќешната
седница, со што уште повеќе ги засили мерките во борбата против ширењето на
коронавирусот.
Премиерот Оливер Спасовски рече дека се размислува во овој период јавниот превоз да се стави во целосно мирување, но за ова ќе разговараат денеска.
-Дали ќе се забрани јавниот превоз зависи од тоа какви ќе бидат проценките во однос на развојот на настаните и колку граѓаните ќе бидат дисциплинирани во почитувањето на мерките. Треба да имаме крајна одговорност. Секој граѓанин мора да биде на висина на сопствената одговорност, на секој од нас е да спасиме живот во државата, вели Спасовски.
Инаку, од синоќа и полицискиот час се скратува за еден час, па наместо до 6, сега ќе трае до 5 часот наутро. Со новите рестриктивни мерки, младите до 18 години ќе можат да се движат од 12 напладне до 21 часот, а возрасните над 67 години од 05 до 11 часот претпладне.