РЕФОРМАТОРИТЕ ЗАСИЛЕНИ СО СТАРИ ЧЛЕНОВИ НА ВМРО-ДПМНЕ: Меѓу нив и екс пратеничката Ѓулистана Марковска
Објавено во: Македонија 05 Октомври, 2017
Група членови на ВМРО-ДПМНЕ кои се дел од партијата уште од основањето денеска дадoa целосна поддршка на реформаторите кои бараат оставка од лидерот, Никола Груевски.
Ѓулистана Марковска, која беше пратеничка во првиот парламентарен состав ВМРО-ДПМНЕ, изјави дека демократските промени на реформаторите се вистинските промени.
„Оваа група реформатори, заедно со нас ветераните, гледа дека постои незадоволство во партијата. Можеби е добро ВМРО-ДПМНЕ да биде одреден период во опозиција за да сфати каде греши, во кој момент ги направило грешките и на тие грешки да се научи да биде добра партија“- вели Марковска.
Таа смета дека за доброто на партијата и за Македонија, некои луѓе треба да ја напуштат ВМРО-ДПМНЕ. Maрковска вели дека нормално и природно е една партија да претрпи промени откако ќе го достигне зенитот.Реформаторите подолго време бараат промени и демократизација на партијата.