Добивај вести на Viber
Ќе бидат потребни години за обнова на пазарот на недвижен имот во Грција. Дури и финансиските услови да се подобрат во 2014-та година, сепак се проценува дека ќе помине уште многу време пред овој сектор да се опорави, пишува весникот Катимерини.
Според податоците на Централната банка на Грција во првите шест месеци од оваа година, бројот на трансакции за продажба на имот, извршени преку банкарскиот систем е намален за 52.5% на годишно ниво или за 42% во споредба со истиот период лани. Симптоматично е тоа што продажбата е намалена и покрај падот на цените на имотите.
Според оценката на агенциите за недвижности, последниве четири години цените на недвижниот имот во Грција се намалиле со 30-40%.