Воениот злосторник во интервју за германски Цајт
Радован Караџиќ: Во Хаг не разговараме за војната, ама лесно е да почне нова
Објавено во: Балкан 15 Септември, 2016
Хашкиот затвореник Радован Караџиќ како ретко кога за западен медиум даде интервју за германскиот весник Цајт, во кое посочи дека на Балканот е сосема лесно да започне нова крвава војна.
Осуден за воени злосторства против човештвото, Караџик се навраќа на југословенската војна. Вели дека би бил целосно луд и психички нестабилен ако знаел што се случува во Сребреница и тоа да го дозволел. Смета дека се воделе странски пропаганди, а во Сребреница бројот од 8000 жртви се должи на целокупното војување и не е резултат на негова наредба.
Во затворот во Хаг со останатите екс-ју затвореници постојано се шегуваат бидејќи само хуморот им е излез од лошата состојба во која се наоѓаат и на тој начин ги поминуваат деновите. Сепак, свесен е иако не разговараат за војната на Балканот е многу лесно да се разгорат страстите и повторно да започне крвава војна.