Работниците од „Леарница“ бараат државата да провери дали компанијата работи законски
Објавено во: Економија 26 Август, 2016
Работниците на „Леарница“ денеска протестираа пред Собранието, со барање да им се исплатат заостанатите плати и придонеси.
Велат дека во компанијата се работи незаконски и се надеваат на помош од пратениците. Десет дена штрајкуваат 170 вработени, но досега нема решение на повидок.
„Се обраќавме до сите институции, како Управата за јавни приходи, Трудова инспекција, Министерството за труд и социјална политика. Во Министерството коректно бевме примени, ама што преземале до сега – уште нема ефект. Уште во октомври пријавивме во Министерството и Трудовата инспекција, но од тогаш уште повеќе се влоши ситуацијата. Бараме институциите да си ја завршат својата работа“ - вели вработен.
Тврдат дека пари се даваат на рака, се задржуваат работници прекувремено, а условите за работа се лоши.
Раководството на компанијата одговара дека се во лоша состојба затоа што половично ги исполнуваат плановите. Велат дека поради тоа нема пари за покривање на долгот кон работниците и кон државата. Сметката им е блокирана затоа што имаат долг кон ЕВН.
Претходно работниците протестираа и пред Управата за јавни приходи и Министерството за труд и социјална политика.
Можеби ќе ве интересира
Сопственикот и главниот оперативен тим одушевени од развојот на Костал во Охрид, компанијата почнува сериско производство на технолошки најнапредна електроника за Фолксваген
Георгиева-Јовевска избрана за една од најуспешните жени менаџерки во земјата
Советничката Милица Арнаудова - Стојановска: Мерките на Народната банка го поттикнуваат „зеленото“ кредитирање
ВАЛУТИ: Вредноста на доларот ослабе, а еврото зајакна
Можеби ќе ви помогне ако патувате во Европа: Еве каде се највисоки а каде најниски цените на горивото
ВУЧИЌ Е ЗАДОВОЛЕН: Koлку работници се вработени во српските фирми преку „Отворен Балкан“?
АЗЕСКИ: Господ да му е на помош на тој што ќе донесе милијарда евра
ФАКТОР АНАЛИЗА: Скап ли е такси превозот во Скопје? Колку заработуваат најпопуларните компании?
