„ПУТИН Е ЛУДАК КОЈ ЗАПОЧНА ГЛУПАВА ВОЈНА ВО УКРАИНА“-Навални со погрдни зборови кон рускиот претседател

Добивај вести на Viber

Затворениот руски опозициски лидер Алексеј Навални денеска остро го критикуваше и го навредуваше претседателот Владимир Путин за време на судското сослушување.

„Оваа војна е глупава, вашиот Путин ја започна и се заснова на лаги“, изјави Навални пред судот во Москва преку видео врска од затворот, пренесе Ројтерс.

Навални се најде на суд, бидејќи се жалеше на деветгодишната затворска казна што ја доби за измама и непочитување на судот, како „дополнување“ на казната од две и пол години што веќе ја отслужи.

Тој ги негира сите обвинувања и вели дека тие биле фалсификувани за да се спречат неговите политички амбиции. Судијата неколку пати го прекина, но Навални ги нарече „лаги“ „фактите“ на обвинителството и ги спореди со лагите што Путин ги употреби за да започне воена операција во Украина.

„Што сакате да постигнете? Дали сакате контрола на краток рок, да се борите со идните генерации кои се борат за иднината на Русија? Сите ќе доживеете историски неуспех“, рече Навални пред судот.

Тој тврди дека со Путиновата Русија владеат крадци и криминалци кои станале непријатели на рускиот народ.

„Лудакот ги зари канџите во Украина и не знам што сака да прави со тоа, тој луд крадец“, рече Навални за Путин.

Кремљ во неколку наврати отфрли голем број тврдења на Навални за Путин.