Притвор за македонскиот газда Шефкет Демировски
Објавено во: Балкан 14 Ноември, 2019
Судот во Белград синоќа одреди 30 дена притвор на четворица осомничени меѓу кои и за македонскиот стопанственик Шефшет Демировски за кражба на индустриска сопственост.
Демировски во Македонија е познат како сопственик на АТС Груп во Скопје.и на погони за производство на муниција. Тој и уште тројца српски државјани се осомничени за илегално откупување на документација која се води како воена тајна, а се однесува на машини за правење на куршуми за снајпер, која потоа би се искористила за добивање комерцијална предност.
Демировски беше уапсен пред два дена во хотел во Белград за време на примопредавање на украдена документација од српската фабрика за наменско производтсво „Први Партизан“ од Ужице.
Бизнисменот подготвил 30.000 евра за поткуп тројца вработени од фабриката и еден пензиониран инженер.