Прилив на мигранти кон Бугарија – земјата бара помош од Европа
Објавено во: Балкан 14 Септември, 2016
Од Државната агенција за бегалци бележат двоен раст на бегалците во последниот месец.
Само минатиот месец се регистрирани близу 2800 лица, и сите тие побарале заштита во земјата. Во последните месеци најмногу се регистрирани мигранти од Авганистан, а потоа се од оние од Ирак и Сирија. Само пред еден ден претседателот на Европската комисија, Жан Клод Јункер вети да се обезбеди помош од Европа за заштита на бугарските граници.
Тој изрази поддршка во писмото испратено до премиерот Бојко Борисов.
„Важно е во овој период да не се појават нови правци. Сакам да истакнам дека јас целосно ја прифаќам потребата Европската унија да ја зајакне својата поддршка за консолидација на бугарската гранична инфраструктура" - се вели во документот, испратен од Јункер.
Во писмото се истакнува дека европската гранична агенција „Фронтекс" треба да испрати уште граничари на границите со Србија и Турција. Останува во наредните денови во Бугарија да пристигнат експерти од Брисел, кои треба да се запознаат со ситуацијата и да се подготви „заеднички план за акција".