Причини зошто треба да се биде „економски патриот“
Објавено во: Балкан, Економија 05 Септември, 2016
Истражувачите потврдуваат дека секој втор граѓанин во Србија се труди да купува домашни производи, а дури 83% веруваат дека домашните производи се поквалитетни особено ако се работи за храна.
Но, исто толку купуваат увезени обувки. Трговците го нудат она што потрошувачите сакаат да го купуваат. Истражувачите велат дека трговците се „економски патриоти“, но за обувки производството во земјата е слабо и мора да се купуваат увезени чевли.
„Кога давате 100 динари во Србија, често 95 остануваат во земјата за пензии, плати, образование, здравство, а тие 5 одат во џебот на сопственикот на фирмата. Кога давате 100 динари за странски производ, практично тоа ги напушта сите финансиски текови во Србија“ - вели Милан Ристиќ од здружението „Моја Србија“.
Се наведува дека добриот живот зависи од тоа колку ја поттикнуваме домашната економија.
„Кога ќе купиме домашни чевли, домашен костим, ние сме овозможиле на некој работник да земе плата, да плати данок, да ги потроши парите во трговија, да имаме поквалитетно образование“ - вели Зоран Малиновиќ од Стопанска комора на Србија.
Се смета дека над две третини од граѓаните би купувале домашни производи ако на нив има ознака.