Премиерот Заев се мисли како да ја консултира опозицијата
Објавено во: Македонија 11 Октомври, 2017
Владата вчера ја одржа 31 седница при што донесе неколку значајни одлуки, а започна и повеќе иницијативи меѓу кои и таа за наоѓање на начин за консултирање со опозицијата за планот за реформи 3-6-9 што всушност беше и една од предизборните заложби на СДСМ уште кога се најавуваа различните мерки.
Владата соопшти дека го задолжила Кабинетот на Претседателот на Владата на Република Македонија да се консултира со Кабинетот на Претседателот на Собранието на Република Македонија за моделот за консултација со опозицијата по однос на Планот 3-6-9.
Каков модел на консултација ќе биде одбран засега не е познато, но дијалогот меѓу власта и опозицијата и меѓу Владата и пратениците на ВМРО-ДПМНЕ е доста важен за непречена работа на Собранието по завршувањето на локалните избори за забрзување на реформската агенда што ќе значи и потреба од побрзо носење на законски решенија, како и поширок консензун за клучните национални интереси.
Од Владата се заложија дека заедно со Секретаријатот за европски прашања ќе организираат консултативна средба со репрезентативен број на граѓански организации во однос на реалзацијата на Планот 3-6-9.