Добивај вести на Viber
Студентите на Софискиот универзитет ќе плаќаат повисоки такси, а од раководството поскапувањето го правдаат со фактот дека цените не се корегирани осум години.
Најголемо е поскапувањето за студентите кои редовно студираат право и меѓународни односи. За нив годишната такса ќе чини 739 лева, наместо сегашните 500 лева. Големо зголемување на таксите има за студентите на Правниот и Педагошкиот факултет. Не се менува таксата за апликација, која останува 30 лева, како и надоместокот за медицина и фармација.
Од универзитетот велат дека покачувањето е направено со согласност на студентите.
Дел од студентите велат дека овие суми се високи за нив и многу од нив ќе мораат да бираат меѓу работа или студии. Покачувањето делумно го оправдуваат, ако парите придонесат да се модернизира установата.
Зголемените такси ќе важат за новите студенти кои ќе се запишат на Софискиот универзитет.