ПОНУДА ЗА СЕМЕЈНИ ЛУЃЕ: Италијанско гратче две години ќе ги субвенционира со кирија
Објавено во: Свет 19 Февруари, 2020
Теора во Италија нуди пари за кирија во период од две години на новите жители кои ќе се доселат.
Тие ќе добиваат 150 евра месечно за да покријат дел од станарината. Градот нуди и еднократна помош од 5.000 евра за купување имот. Градот сака да привлече семејни луѓе, и може да се пријават само оние што имаат барем едно дете. Новите жители се обврзуваат да живеат во градот барем три години.
Градоначалникот Стефано Фарина, за Си-ен-ен травел изјави дека запишувањето на децата во локалните училишта внесува нов живот.
Во ова гратче сега се раѓаат само по две деца годишно.
Градот има околу 1.500 жители. Во 1980 година имало силен земјотрес, кој уништил многу градби.
Неколку градови во земјата за да привлечат нови жители, нудат куќи по едно евро.
фото Википедија