Добивај вести на Viber
Занаетчиите во соседна Србија ќе плаќаат данок од 5000 динари за дуќан до 100 квадрати, наместо 250.000 динари како што беше досега.
Српската Влада со оваа новина сака да им ги олесни условите на малите занаетчии, за да не бидат во подредена положба во однос на големите фирми. Овие законски измени ќе почнат да функционираат во наредните денови.
„Овој закон го донесовме да им овозможиме на граѓаните, брзо, лесно и евтино да ги решат проблемите со нелегалните дуќани. Заради тоа занаетчиите и малите приватници ќе бидат третирани како производни, а не како комерцијални објекти“-изјави Зорана Михајловиќ, министерка за градежништво, сообраќај и инфраструктура.
Овој закон во Србија го нарекуваат уште и Зоранин закон, а ќе ги опфати кројачите, коларите, тапетарите, браварите, цвеќарите, фризерите, часовничарите, опинчарите и други занаетчии.