Добивај вести на Viber
Ракетата Falcon 9 на приватната вселенска компанија SpaceX експлодираше во центарот „Џон Кенеди“ во Кејп Канаврел откако неуспешно било доставено гориво. Компанијата жали за огромната загуба и посочи дека мора да се спроведе независна истрага за причините бидејќи досега се случија повеќе инциденти и експлозии.
Обидите на приватните компании наликуваат на почетоците на НАСА и Аполо мисиите за освојување на Месечината во кои имаше и човечки жртви. Разликата сега е што станува збор за приватен капитал, а не даночни средства, па се поставува прашањето кој ќе ги плати овие загуби. Најпрво ќе платат акционерите кои ќе почуствуваат загуба по својот џеб, но затоа постои и нов вид на осигурување од вселенски ризици кое го обезбедуваат корпорации како AIG.
Визионерите и најбогати луѓе како Ричард Бренсон, Џеф Безос и Елон Маск мора да платат спектакуларни полиси на осигурување на нивните вселенски летала кои чинат и до 300 милиони долари, но со оглед на огромниот ризик ова е паметна инвестиција бидејќи штетите секако нема да ги надомести владата.