Опасен џихадист се крие во Белград?
Објавено во: Балкан 16 Септември, 2016
За Абдула Басет Ел Сароут од Сирија, припадник на ИСИС, српските медиуми пишуваат дека е во Србија и се крие во Белград.
Се смета дека преку илегални канали со мигранти влегол во земјата.
Тој е популарен Сириец бидејќи бил голман во фудбалската репрезентација на земјата и поради тоа го носи и прекарот „Чувар на револуцијата”. Терористот на почетокот на бунтот во Сирија им се приклучил на силите на опозицијата. Потоа, се приклучил кон ИСИС откако ја обвинил опозицијата дека ја предала сириската револуција. Поради својата популарност и борбата против режимот во Сирија, за него биле снимени и филмови. Еден од нив е „Враќање во Хомс”, документараец од 2013. година.
„Не се знае ни дали е вооружен, ниту дали е во нашата земја по некоја специјална задача, ниту дали има намера да продолжи понатаму”- тврди извор за српските медиуми.
Неговите четворица браќа се убиени од сириските сили за безбедност. Чичко му, Мохе Еден Ел Сароут, е убиен во ноември 2011. година.
Досега преживеал најмалку три атентати.