Од кои компании најмногу се трансферираа акции пред празничниот викенд?
Објавено во: Економија 10 Април, 2018
По завршување на празничниот викенд денес е првиот ден кој е отворен за тргување на акции до вредност преку Македонска берза, но пред да започнат новите трансакции да ги прегледаме и последните извршени трансфери на акции на котираните друштва.
Според најновите информации последниот работен ден од претходната недела, поточно во четвртокот петти април, завршил со нетрговски трансфер на акциите на Алкалоид, Макстил и Гранит.
Според податоците кои Македонска берза ги објави од Централниот депозитар на хартии од вредност преку нетрговски трансфер на акции на котирани друштва преземени се 200 обични акции од Алкалоид АД Скопје, 475 обични акции од Макстил АД Скопје и 60 обични акции со право на глас од Гранит АД Скопје.
Моменталната просечна вредност на акциите на Алкалоид изнесува 8.024,08 денари, акциите на Гранит достигнаа просечна вредност од 734,91 денари, додека пак според актуелните финансиски показатели просечната вредност на една обична акција на Макстил изнесува 123,24 денари.