„Њујорк тајмс“: Кинезите стануваат се посилен странски „играч“ во Грција

Добивај вести на Viber

„Њујорк тајмс“ пишува дека Грција по неколкугодишната борба со штедењето, наметната од ЕУ и студениот прием кај САД, одлучи да прифати помош од својот најамбициозен геополитички партнер. 

Инвестициите во Грција, на Кина ѝ овозможија добро економско и политичко ниво и можност за ширење на своите потфати во другите делови на Европа. Грчките власти во јуни ја блокираа изјавата на ЕУ, со која се осудува кршењето на човековите права во Кина. Грција неколку дена подоцна се спротивстави на строгите контроли на кинеските инвестиции во Европа.

Кина го искористи времето кое ЕУ го помина притискајќи ги властите во Атина, Грција да понуди повеќе инвестиции од кои, некои веќе почнаа да се исплаќаат, не само економски, туку и политички, наведува американскиот весник.

Брисел и Вашингтон претходно стравуваа дека грчката економска ранливост, би можела да направи да биде лесна цел за Русија, земја која, според „Њујорк тајмс“, секогаш сакала да ја подели Унијата. Наместо тоа, Кинезите стануваат се посилен странски “играч“ во Грција, што може да се набљудува како резултат на фокусирана и трпелива дипломатија.

Кина веќе ги искористи своите „политички мускули“ да остави голема геополитичка трага во Африка и Јужна Америка.