Нимиц: Нема нов предлог за името на Македoнија, има позитивен импулс од двете страни
Објавено во: Македонија 15 Јануари, 2018
Претставникот на ОН за Македонија во преговорите за името меѓу Атина и Скопје, Метју Нимиц, за грчката национална телевизија ЕРТ изјавил дека сé уште нема финален предлог за ново име на Македонија, но дека има позитивен имплус и дека сегашната влада е многу заинтересирана за решавање на овој проблем.
Нимиц рече дека нема нов предлог за името и дека новиот круг разговори ќе се одржи на 17 јануари во Њујорк.
Има позитивен импулс во Скопје, вели Нимиц, додавајќи дека македонската влада во Скопје е многу заинтересирана за решавање на ова прашање.
„Мислам дека грчката влада исто така признава дека ова е добра можност за грчката надворешна политика во регионот да се најде решение за долгорочното решение на ова прашање. Постои позитивен импулс меѓу двете земји, мислам дека граѓаните во двете земји можеби ќе бидат подготвени да слушнат одредени решенија, нивниот заеднички национален интерес, но исто така и дека постои одреден компромис за решавање“, посочил Нимиц.
Нимиц, исто така, истакнува дека постои загриженост во регионот околу одредени прашања, како што се бегалците, тероризмот или нестабилноста, и затоа треба да се заложи меѓународната заедница да го реши ова прашање.