НЕМА МАСКИ НИ ВО ЗАТВOРЕНО: Израел го победи вирусот, но остануваат претпазливи со туристите
Објавено во: Свет, Корона Вирус 15 Јуни, 2021
Израелците се ослободуваат од маските и во затворено.
Во Израел веќе не мора да се носaт маски во затворено. Маска ќе треба да се носи само во авион или кога се оди во карантин.
За шест месеци, Израел вакцинираше 85 отсто од своето население. Во земјата со повеќе од девет милиони жители имаше 88.000 активни случаи на коронавирусот, а вчера, бројката изнесуваше 212. Израел почна да ги вакцинира и децата меѓу 12 и 15 години.
Сепак, властите се претпазливи околу пуштањето на странски туристи во земјата поради новите соеви на коронавирусот. Туристите мора да приложат доказ дека се вакцинирани и да се тестираат по доаѓањето.
Во Израел 6.430 луѓе починаа од коронавирусот.