НАРОДЕН ПРАВОБРАНИТЕЛ: Граѓаните можат да пријават повреда на избирачкото право на бесплатна телефонска линија и лично
Објавено во: Македонија 08 Мај, 2024
Омбудсманoт соопшти дека граѓаните можат да пријават повреда на избирачкото право на бесплатна телефонска линија и лично.
Народниот правобранител со цел заштита на избирачкото право на граѓаните ќе презема итни мерки за ефективно постапување од странa на надлежните органи во изборниот процес и другите институции кои се должни да им обезбедат заштита на граѓаните остварување на нивното загарантирано избирачко право
Денеска од 7 од 19 часот во канцеларијата на Народниот правобранител граѓаните за време на одржувањето на вториот круг од претседателските и на парламентарните избори, ќе можат да пријават каква било повреда на избирачкото право на бесплатната телефонска линија 0800 54321.
„Исто така, на денот на изборите дежурства ќе има и во подрачните канцеларии на Народниот правобранител во Струмица на телефонскиот број (034)329-996, Кичево на бројот (045) 228-586, Тетово на (044) 344-082, Битола на бројот (047) 242-310, Штип на телефонскиот број (032) 389-701 и во Куманово на бројот (031) 431-488“, се наведува во денешното соопштение од канцеларијата на Омбудсманот.