Добивај вести на Viber
Во последниот период најмногу слободни работни места има во секторите продажба и услужни дејности што и не е некој новитет со оглед на ниските кваликации кои ги поставуваат работодавачите, но и честата миграција на вработени во овие гранки поради пониските примања.
Според најновите податоци на Државниот завод за статистика од регистрирани 6.687 слободни работни места во Македонија за вториот квартал од годинава токму 2.398 се групата на занимања „работници во услужни дејности и продажба“
Државниот завод за статистика објави дека стапката на слободни работни места во второто тримесечие од годинава изнесувала 1,38 проценти. Деловните субјекти кои имаат од 10 до 49 вработени имаат највисока стапка на слободни работни места, 1,88 проценти. Со највисока стапка на слободни работни места, 2,30 проценти, е Југоисточниот регион.