Најмногу хоспитализирани на Инфективна во Скопје и во болницата во Штип: Критични 7 на респиратор во ГОБ „8 Септември“
Објавено во: Македонија 08 Септември, 2020
Иако капацитетот
на Клиниката за инфективни болести во Скопје не е докрај исполнет, во оваа
здравствена установа има најголем број на хоспитализирани пациенти позитивни на
корона вирусот, па со последните 4 примени, бројот е 81, од кои дури 59 се на
кислородна поддршка. Следува Клиничката болница во Штип, во која речиси докрај се
исполнети болничките кревети, односно таму има 55 пациенти кои се лекуваат од
ковид.
Во ГОБ „8 Септември“, бројот на пациенти е значително намален и болницата се врати на нормалниот тек на работењето од почетокот на септември, но од 26-те хоспитализирани, дури 7 пациенти се ставени на респираторни апарати.
Најмалку пациенти кои се лекуваат од коронавирусот во болнички услови се сместени во Ковид-центарот 2 „Козле“, односно во Институтот за белодробни заболувања кај децата, каде се сместени 2 деца и 3 мајки кои се позитивни, и 4 деца и 3 мајки суспектни на вирусот.
Вкупниот број на хоспитализирани пациенти на инфективните одделенија во Тетово, Охрид, Велес, Куманово, Прилеп, Гостивар, Струмица и Струга е 122, од кои дел се позитивни, а дел сомнителни на ковид-19.