Најбогатите луѓе во светот загубија 70 милијарди долари за еден ден
Објавено во: Мои пари 01 Јули, 2015
Само за еден ден (29 јуни) најбогатите 400 луѓе во светот реализирале кумулативна загуба од 70 милијарди долари, соопштува Bloomberg.
Причина - песимизмот на пазарите на капитал, предизвикан од стравувањата околу Грција, и падот во Кина.
Просечната загуба за милијардер изнесува 175 милиони долари, покажуваат пресметките врз основа на Bloomberg Billionaires Index.
Кумулативниот пад на богатството е над 1,5%. Вкупната загуба е повеќе од пазарната капитализација на компаниите како Ford Motor Co. и Twenty-First Century Fox Inc.
Во понеделникот американските берзи регистрираа намалувања, индексот S & P падна за 2,1 проценти, додека NASDAQ забаележа загуба од 2,4%. Европскиот индекс Euro Stoxx исто блесна во црвено со загуба од 4,2%, а кинескиот Shenzhen Stock Exchange Composite падна со над 6%.
Најголемата загуба од милијардери ја реализирал креаторот на модната марка Zara Аманико Ортега - 2,2 милијарди долари. Така богатството му е намалено за 3,2%. Ортега е најбогатиот човек во Европа и втор по овој показател на глобално ниво. Најбогатиот човек на планетата Бил Гејтс изгубил 1,4 милијарди долари, реализиран пад од 1,7%. Инвеститорот Ворен Бафет, третиот по богатство, изгубил 1,6 милијарди долари.
Најбогатите 400 лица во светот контролираат средства во вредност од 4,2 трилиони долари, што е за речиси 400 милијарди долари повеќе од бруто домашниот производ (БДП) на Германија.
Само 12 од милијардерите успеале да го зголемат своето богатство во понеделникот, меѓу кои е и најбогатиот човек во Африка Алико Данготе. Данготе заработил 180 милиони долари, достигнувајќи на тој начин вкупно богатство од 15,3 милијарди долари. Акциите на Dangote Cement поскапеле со 2,35%.
Можеби ќе ве интересира
Промоција на „Шарени ириси“ – новата хибридна инклузивна сликовница во издание на „Арс Ламина“
ЖИМ Коскоска се врати на тронот, ИМ Тони Лазов првпат до титулата
РЕС е најголем снабдувач со струја на слободниот пазар, објави Регулаторната комисија за енергетика
Проширување на хоризонтите за трговија и инвестиции: мисијата на WTCA во Европа и Западен Балкан
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
Гранд Скопјe PRIME SPONSOR на овогодинешната Конференција за недвижности
Промотивен станбен кредит на Силк Роуд банка со фиксна каматна стапка за 10 години
Лирски почеток на „Видик“ со фузија на поемата „Коњски житија“ и боса нова ритамот на „Акварела“
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
