На Блаце километарска колона - само во Косово и Албанија може да се оди без ПЦР тест
Објавено во: Македонија 12 Октомври, 2020
Слободно, односно без ПЦР тест, можеме да патуваме само во Косово и Албнија.
Ова следува откако Србија, Босна и Херцеговина и Црна Гора ја известиле македонската Влада дека поради новиот бран на корона вирусот кој ја погоди земјава, границите на овие држави за македонските граѓани ќе останат затворени, односно преку нив ќе може да се помине само со негативен ПЦР тест кој не е постар од 48 часа.
По ваквата одлука, македонската Влада најави дека ќе воведе реципроцитет, односно дека веројатно за граѓаните од овие земји при влез во Македонија ќе биде задолжителен негативен ПЦР тест.
Можноста за влез на македонски државјани во Косово без ПЦР тест останува, но Владата апелира до граѓаните да не патуваат надвор од земјата доколку немаат неодложна потреба за тоа.
А денеска на граничниот премин Блаце има километарска колона од возила, јави ТВ 21, бидејќи е дозволен влез на граѓаните на Македонија и Косово во двете земји без обврска за приложување на негативен ПЦР тест.