Македонец во трка за влез во парламентот на Канада
Објавено во: Македонија 11 Октомври, 2020
Македонец е во трка за влез во парламентот на Канада.
Македонското Меѓународно Движење за Човекови Права (ММДЧП) ги повикува сите Канаѓани со македонско потекло да го поддржат Ден Масин, горд Македонец во Канада, кој се кандидира во изборната единица Симко Норт во Онтарио.
Масин е кандидат за номинацијата на Конзервативната Партија, но во ММДЧП подвлекуваат дека му изразуваат поддршка како на поединец, во согласност со ставот дека било која партија која бара поддршка од Македонците мора најпрво јасно да застане во одбрана на македонското име и идентитет.
Масин работеше да издејствува поддршка за Македонија и Македонците и за Канада да го отфрли нелегалното, принудно преименување на Македонија.
Семејството на Масин доаѓа од Прекопане и Вумбел во Егејска Македонија.