Македонците на влез во државата ќе потпишуваат изјава дека ќе бидат во самоизолација
Објавено во: Македонија 15 Март, 2020
Македонските државјани на влез во државата ќе потпишуваат изјава дека ќе бидат во самоизолација.
Сите македонски државјани кои ќе пристигнат во државата од земји кои се високо или средно ризични, ќе имаат обврска да потпишат писмена изјава дека ќе останат во самоизолација, изјави синоќа министерот за здравство, Венко Филипче.
„Се задолжува Министерсвото за здравство на секој наш државјанин кој влегува на граничните премини, а патува од високо или средно ризичните земји, да му издаде писмена наредба за спроведување на задолжителна самоизолација и истиот да потпише писмена изјава под полна материјална и кривична одговорност дека ќе изврши самоизолација, оставајќи ги своите лични генералии и адреса“, рече Филипче.
Вчера беа тестирани 12, од кои 6 се позитивни. Се работи за жена од Скопје која се вратила од Шпанија, а другите се луѓе од Дебар.Владата ги заостри мерките за заштита од коронавирусот. Ќе се затворат продавниците во моловите, освен оние за храна и аптеките, затворен ќе биде Охридскиот аеродром, се затворија дел од граничните премини, затворени се кафетериите.