Добивај вести на Viber
Вицепремиерот Љупчо Николовски и неговата сопруга денеска донираа два аспиратори на Универзитетската клиника за детски болести.
„Денеска, со нашата скромна донација, два аспиратора за Универзитетската Клиника за Детски Болести, ја изразуваме поддршката и благодарноста до здравствените работници за нивната посветеност, несебична грижа и неуморна борба за секој човечки живот.
Искрено веруваме дека во овие моменти кои ги наметна светската пандемија ќе ја олесниме работата на здравствените работници и лекувањето на децата хоспитализирани на оваа клиника. Чувството да се помогне е непроценливо, нѐ прави уште посреќни и позадоволни!“, објави Николовски.
Вицепремиерот ги повика граѓаните во овие тешки денови да бидат хумани и солидарни, секој во рамките на своите можности.