Либија „гори“, Русија повика на средба во ОН
Објавено во: Свет 07 Јануари, 2020
Силите на командантот Калифа Хафтар, чие упориште е на истокот на Либија, тврдат дека презеле контрола врз стратешкиот крајбрежен град Сирт.
Ова го направиле во брза офанзива предводена со воздушен напад.
Заземањето на Сирт е важно за Хафтар, кој спроведува офанзива на главниот град Триполи од април, седиште на меѓународно признатата либиска влада.
Сирт се наоѓа во средниот дел на либискиот медитерански брег и е под контрола на владините сили откако е расчистен од трупите на ИД, по воздушни напади на САД во 2016 година. Офанзивата се случи во момент кога Турција испраќа свои трупи во Либија за помош на меѓународно признатата влада во Триполи.
Русија повика на средба на Советот за безбедност на ОН за Либија додека Турција започна да распоредува војници во земјата за поддршка на властите во Триполи. На средбата треба да стане збор за меѓународната конференција која треба да се одржи во Либија.
Турскиот претседател Реџеп Таип Ердоган изјави дека распоредувањето на војската е со цел да се осигура стабилноста на либиската Влада, откако Парламентот го одобри таквиот негов чекор. Турција, која е членка на НАТО ја поддржува Владата во Триполи.