Лазаров: Да не беа навивачите ова немаше да се случи
Објавено во: Македонија 18 Јануари, 2018
Кире Лазаров, капитенот на македонската ракометна репрезентација, по завршувањето на блескавиот натпревар со Германија, им се заблагодари пред се на навивачите кои допатуваа во Загреб.
„Не е клише, навистина многу ни значите. Ви благодариме што ги оставивте вашите работи и семејства да дојдете тука и да не бодрите. Без вас немаше да го постигнеме овој успех“, истакна Лазаров во фан зоната.
Тој се пошегува дека не знаел дека Јоноски бил многу добар политичар, а дека „шраубата“ на Стоилов била добра. Целата репрезентација го бодреше пикерот кој во последната минута имаше одлична шанса да постигне гол за водство на Македонија, но неговиот удар беше одбранат за што самиот рече дека го боли срцето.
Сепак, одиме напред во втората групна фаза каде Македонија е лидер на табелата со 3 бода пред Шпанија, Данска, Чешка и Германија кои имаат два бода и Германија еден.
На 21 јануари играме против Шпанија, на 23 јануари против Чешка и групната фаза ја завршуваме на 25 јануари на мегдан со Данска. Првите две селекции од оваа група ќе играат полуфинале, па така Македонија има историска шанса за неверојатен успех на Европското превенство во ракомет кое се игра во Хрватска.