Кој е човекот кој личи на Шербеџија и се сликаше во штабот на Левица?
Објавено во: Македонија 17 Ноември, 2022
Човекот за кого може на прв поглед да се каже дека е двојник на легендарниот актер Раде Шербеџија, всушност е Славко Митевски (56) од Скопје. Тој е советник на Левица во Општина Карпош.
За ,,Фокус” тој вели дека денешниот настан, кога се најде во центарот на вниманието на домашната јавност, бил нешто кое постојано му се случува, па на крај целата случка му била смешна.
„Раде не ми беше инспирација, случајно беше со редослед на настани и многу луѓе влијаеа на мојот изглед“, вели Славко.
Митевски е дипломиран професор по одделенска настава. Работел година ипол со децата во Домот 11-ти Октомври. Околу тоа дека поради сличноста со Шербеџија често му се случувало луѓе да го запрат, па дури и да не му веруваат кога им кажувал дека тој не е славниот актер.