Раде Шербеџија отвори канцеларија на „Левица“ во Скопје
Објавено во: Македонија 17 Ноември, 2022
Познатиот регионален и светски актер Раде Шербеџија вчера присуствуваше на отворањето на новата канцеларија на „Левица“ во Ѓорче Петров.
На отворањето Шербеџија беше придружуван од лидерот на партијата и пратеник, Димитар Апасиев, како и од останатите активисти на опозицијата.
Од „Левица“ појаснија дека станува збор за извесен Славко, активист кој многу потсетува на популарниот актер кој снима филмови и за Холивуд.
„Левица е партија која постои и се гради да служи како инструмент за менување на овој систем кој им служи на елитите за сметка и штета на обичните граѓани.
Локалниот огранок на Левица во Ѓорче Петров, како дел од тој инструмент, е во постојан раст и веќе сериозен фактор и закана за децениското зло кое и се случува на Македонија, на општината Ѓорче Петров и нејзините граѓани. Оттука е и потребата и должноста да бидеме поблиску и подостапни за граѓаните, за нивните предлози и решавање на нивните проблеми“, објави „Левица“.