Ќе има ли нови рестрикции: Заседаваат Комисијата за заразни болести и Владата
Објавено во: Македонија 13 Октомври, 2020
Владата денеска ќе одржи седница за мерките кои ги предложи Комисијата за заразани болести минатата недела, а треба да се преиспитува и одлуката за отворање на границите и влезот во земјава од соседни земји без ПЦР тест. Сепак за претпладнево е закажан состанок и на Комисијата за зарaзни болести. Пoради зголемувањето на бројот на новозаболени, можно е да има и нови рестриктивни мерки, меѓу нив се тврди, и опцијата за затворање на угостителските објекти по 22 часот.
Препораките кои уште не се усвоени на владина седница од минатата недела беа забрана за групирање по 22 часот, задолжително носење маска на отворено и ограничување на бројот на гости кои може да дојдат на семејни прослави.
Инаку вчера имаше доста гужва на граничните премини кон Косово, откако беше одобрено патување без потребен ПЦР тест за граѓаните од двете земји. Владата денеска, затоа, ќе ја преиспита одлуката за влез во земјава без ПЦР-тест за државјаните на Србија, Косово, Црна Гора и Босна и Херцеговина.
Според првичните најави, без ПЦР тест од вчера требаше македонските државјани да влегуваат и во Србија, Црна Гора и Босна и Херцеговина.