Добивај вести на Viber
Според предлогот на Патриотскиот фронт, кој е веќе прифатен во прво читање, секој граѓанин на Бугарија кој не оди на гласање ќе треба да плати 50 лева.
Дополнително оние кои нема да гласаат на избори, за период од 3 месеци нема да добијат помош од државата. Патриотскиот фронт предлага доколку граѓаните сами не платат во одреден рок, парите да им се задржуваат од плата.
„Нема нешто што не е можно, под услов да биде прифатено ова решение и државата да го оствари. Ако сте невработен, исто така ќе ја должите оваа сума“-рече Валери Симеонов од Патриотскиот фронт.
Симеонов вели дека покрај плаќањето на даноци, граѓаните имаат и други обврски кон државата во која живеат. Другиот предлог на партијата е во врска со мртвите гласачи, кои при секои избори се појавуваат во листите. Решението, според Валери Симеонов е во тоа да се предвиди т.н. активна регистрација, која е околу еден месец пред гласањето.
Според студија на „Галуп интернешнл", спроведена во средината на минатата година, половина од Бугарите поддржуваат задолжителното гласање, а 49% од возрасните тврдат дека би гласале со „да" за задолжително гласање, а малку под една третина се против.