Kако Ѓорчев ја оцени средбата со Столтенберг?
Објавено во: Македонија 18 Јануари, 2018
В.д. координаторот на пратеничката група на ВМРО-ДПМНЕ, Влатко Ѓорчев денеска изјави дека ќе ги поддржат сите чекори кои ќе ја приближат Македонија кон членството во НАТО.
Ова Ѓорчев го изјави по средбата на претставниците на партијата со генералниот секретар на НАТО, Јенс Столтенберг. Средбата Ѓорчев ја оцени како „добра и конструктивна“.
„Го информиравме Столтенберг за политичкиот прогон кој се врши во Македонија, која е единствената земја во Европа во која има жесток прогон на опозицијата. Тој и се заблагодари на партијата за сѐ што направила до сега за интеграцијата на Македонија во НАТО“ – рече Ѓорчев.
Тој информираше дека Законот за јазиците не бил тема на разговор со Столтенберг, но ја поздрави одлуката на Иванов да не го потпише законот, и ја оцени како „основана“.
На прашањето дали ја поддржуваат одлуката на Илија Димовски да го оспори законот пред Уставнит суд, Ѓорчев рече дека ги разгледуваат сите опции и дека ќе информираат навремено.
Тој потенцираше дека не е добро да се носат закони без опозицијата, дека дијалогот треба да биде двонасочен и додаде дека ВМРО-ДПМНЕ е подготвена да седне на заедничка маса.
Можеби ќе ве интересира
ФАКТОР НА ДЕНОТ: Таравари вели дека нема дефинитивен договор околу поделбата на ресори меѓу ВМРО – ДПМНЕ и „Вреди“
НАЈЧЕВСКА: Ситни и покрупни националисти ја прават Македонија анахроно место на живеење
ТАРАВАРИ: Колку министерства ќе води „Вреди“ е рано да се каже
МИЦКОСКИ: Ќе има прегласување во изборната единица 5, очекуваме уште еден пратеник таму
MИЦОТАКИС ДО СИЛЈАНОВСКА ДАВКОВА: Jа повикуваме новата претседателка да избегне слични незаконски и провокативни постапки
КРМОВ: ДПМНЕ со АПСОЛУТНО мнозинство НЕМА да го раководи Собранието!
ЛИДЕРОТ НА СИРИЗА ДО МИЦОТАКИС: Ако сметате дека Договорот од Преспа е предавнички, еве ви шанса да го поништите
„ВРЕДИ“ НА СРЕДБА СО КУРТИ: Загрижувачко е руското и српското влијание
ЦУК ЗА СОСТОЈБАТА ВО ОХРИД: Има поплавени подруми и гаража
