КАФУЛИЊАТА ОД 21. ЈАНУАРИ СИГУРНО ЌЕ РАБОТАТ ДО 21 ЧАСОТ: Ова е првата мерка што ќе се олабави по празниците

Добивај вести на Viber

Единствено нешто што ќе се случи во однос на рестриктивните мерки е тоа што сигурно на 21 јануари, односно следната недела, кафулињата, рестораните и останатите угостителски објеќти ќе работа до 21 часотр, истакна Министерот за здравство Венко Филипче по неговата посета на Институтот за судска медицина.

Вели дека во моментов во земјава имаме стабилна епидемиолошка слика, и како што рече, се намалува бројот на хоспитализираните пациенти, во моментов нема пациенти на болничко лекување во модуларната болница на Клиниката за инфективни болести. Ваквата состојба според него овозможува угостителските објекти да може да имаат продолжено работно време од три часа, односно да работат до 21 часот.

-Од 21 јануари сигурно е дека угостителските објекти ќе работат до 21 часот. Тоа е единствената мерка која ќе биде олабавена. Во меѓувреме ќе ја следиме состојбата и согласно тоа можеме да го разгледаме и нивното барање да работат до 23 часот. Но, се останато останува исто. На сила остануваат сите остѕанати мерки, истакна министерот Филипче. 

Инаку, Фактор веќе пишуваше дека и самите угостители очекуваат дека со намалувањето на бројките на новозаболени во наредниот период, се очекува здравствените власти да одобрат продолжување на работното време на локалите и рестораните не до 21 часот, туку макар до 23 часот, ако веќе не може да се врати старото регуларно работно време