Кадиров за Украина: Многу сум незадоволен од нашиот одговор
Објавено во: Свет 25 Октомври, 2022
Според чеченскиот лидер Рамзан Кадиров, руските одговори на гранатирањето од Украина се слаби.
Тој кажа дека украинските градови треба да бидат избришани од лицето на земјата.
„Слабо одговараме, според мене. Ако летала граната во нашиот правец, кон нашиот регион, тогаш да ги збришеме градовите за да се види далечниот хоризонт за да сфатат дека не смее ни да помислат да пукаат во наш правец. Нема потреба да гледаме што ќе се случи утре доколку донесеме некаква одлука“, рече Кадиров.
Вели дека војната според него се одвива и на руска територија.
„Многу сум незадоволен од нашиот одговор. Веќе прогласивме воена состојба во регионите што граничат со Украина, но тие пукаат во цивили, во цивилни објекти, уништувајќи општествено важни објекти“, рече Кадиров.