(ВИДЕО) Стремусов тврди дека Украина секој ден губи по 200 војници во Херсон
Објавено во: Свет 25 Октомври, 2022
Борбите за регионот Херсон во Украина не стивнуваат.
Заменик-шефот на руската администрација во Херсон, Кирил Стремусов, тврди дека украинските вооружени сили секојдневно губат стотици војници на фронтот во Херсон.
„Секој ден гинат по околу 200 војници“, тврди Стремусов.
Тој вели дека сите обиди на Украина да ги пробие одбранбените линии на руските сили во правец на Херсон се неуспешни. Постои ризик од колапс на хидроцентралата „Каховка“ на Дњепар, која е под руска контрола. Претходно Украинците обвинуваа дека овој објект е миниран за да се спречи украинскиот напредок. Русија и Украина се обвинуваат меѓусебно за планирање употреба на т.н. „валкани бомби“. Претседателката на Европската комисија Урсула фон дер Лајен денес повика на поддршка за „брза рехабилитација“ на Украина затоа што таа се соочува со, како што ги нарече напади од страна на руските сили врз цивилната инфраструктура. Руската инвазија на Украина почна на 24 февруари.