Југоистокот прогласи прва победа против „рудниците на смртта“

Добивај вести на Viber

Граѓанските активиси од Спас за Валандово - СОС се задоволни од успешно завршената прва битка и издвојувана битка против како што ги нарекуваат рудниците на смртта. По одржаните референдуми на локално ниво и јасното изјаснување на граѓаните од Валандово, Гевгелија, Дојран и останатите, рудникот Казандол дефинитивно сопира со изградбата. 

Владата на Република Македонија донесе одлука за еднострано раскинување на договорот за концесија со Сардич МЦ компанијата со украински капитал. Тие ја изгубија дозволата за концесија за експлоатација на минерална суровина бакар поради неисполнување на обврските од договорот склучен со Владата. 

„Честитки до сите граѓанки и граѓани од југоистокот кои се изборија за единственото разумно решение : Затварање на рудникот Казандол а да се избориме и против рудникот Иловица.  Благодарам и од името на граѓанските здуженија и граѓански активисти.  Да не дозволиме ниту еден рудник со отворен коп со користење на сулфурна киселина и цијаниди кои може да го уништи југоистокот“, истакна Нико Попов, еден од поборниците да се стопира изградбата на рудникот во Казандол. 

Конкретно прекшен е членот 13 од договорот, односно не е изградена постројка која може да преработува 50% катоден бакар.

„Во рок од две години од денот на доделување на концесијата  не изградил постројка за експлоатација на катоден бакар со капацитет да процесира најмалку 50 проценти од експлоатираната руда. Предвидениот рок од две години според член 13, став 1 е суштинска состојка на договорот бидејќи е даден како услов во јавниот повик и тендерската документација“ - изјави Заев.

Концесионерот Сардич МЦ вчера информираа  дека не постои основа за еднострано раскинување на договорот за концесија оти сите членови од договорот и законската регулатива се исполнети. Најавија тужба пред арбитражниот суд во Вашингтон. Сепак, за такво барање треба да имаат правен основ.

Сега, граѓанските активисти посочуваат дека ќе се спречува работата на рудникот за злато Иловица кој се наоѓа над најплодното земјоделско струмичко поле, како и тоа дека борбата против нови рудници кои користат тешки хемикалии ќе продолжи и понатаму.