Јовевски: Не чекавме Рашковски да си даде прво оставка

Добивај вести на Viber

Државниот обвинител Љубомир Јовевски вели дека Обвинителството не ја чекало оставката на поранешниот генерален секретар на Владата Драги Рашковски од својата последна функција во Владата, како услов за негово приведување.

Тој синоќа во „Топ Тема“ на Телма рече дека е отворена истрага по допрен глас за случајот со набавката на софтверот за сообраќајни прекршоци уште додека Рашковски ја извршувал функцијата,.

-После преземените предистражни мерки, Јавниот обвинител кој постапува по предметот нашол дека постојат основи за отворање истрага и ја отвори истрагата и притоа според негова оценка, треба да се преземат соодтвени мерки кон лицето против кое се води истрагата, изјави Јовески во вечерашното гостување на Топ Тема.

Претседателката на „Транспаренси интернешнл Македонија“ и поранешна претседателка на Антикорупциската комисија, Слаѓана Тасева, во „360 Степени“ посочи дека потребно е да се разгледаат повеќе аспекти за овој случај, но и дека Основното јавно обвинителство за гонење на организиран криминал и корупција има можност во рамките на истрагата да побара и финансиска истрага, за да се утврди каде завршиле парите.

„Кога зборуваме за овој кривично-правен настан треба да го гледаме во една целина … Мораме да се потсетиме дека имаме и други органи во државата, институции. Што правело Бирото за јавни набавки во оваа ситуација, дали таму набавката поминала низ сите процедури, дали била проверена оправданоста на набавката? Она што Јавното обвинителство може сега да го прави е паралелно со криминалната истрага да отворат и финансиска истрага. Да се види парите од овој тендер каде отишле и што се случувало. Затоа и постои цела стратегија за финансиски истраги, а постои и процедура која е усвоена меѓу институциите во која се вклучени Управата за финансиско разузнавање, Министерството за внатрешни работи, Управата за јавно приходи и други институтции кои треба да се поврзат за точно да се утврди што се случило со парите од овој тендер“, рече Тасева.